Vikulok
Mikið líður tíminn hratt! Maímánuður löngu byrjaður, skólaönninni fer að ljúka (GAH!) og allt í einu er allt orðið fagurgrænt í borginni. Ég keypti mér basilplöntu á markaðinum í gær og ætla að halda henni lifandi. Plöntur hafa aldrei lifað lengi heima hjá mér.
Einn uppáhaldsljósmyndarinn minn fór í ferðalag til Íslands fyrir skömmu og nú er hún farin að setja myndirnar inn á vefsíðu sína. Ég er yfir mig hrifin.
Systir mín pantaði sér bók af Amazon sem kom til mín í síðustu viku. Ég hef ekki hætt að skoða hana og hreinlega verð að eignast hana sjálf. Bouchon Bakery er mögulega fullkomnasta bakstursbók sem ég hef augum litið.
Það er sérstaklega gaman að uppgötva ný og skemmtileg íslensk matarblogg. Ég rakst nýlega á bloggið Matarkarl og hef skemmt mér mikið við að lesa það.
Vonandi áttuð þið góða viku!
Eldað í Vesturheimi 
Haha…það er aldeilis! Í gær var viðtal við mig í Mogganum og nokkrar hræður kíkja á bloggið í kjölfarið. En um leið um þú vísar í það springur skalinn. Takk fyrir hólið!