Skip to content

Negroni

Eftir nokkur kvöld af smakki og sötri hef ég tekið Negroni í sátt. Þetta er svolítið krefjandi drykkur – bitur, margslunginn og skarpur, en mér finnst hann fullkominn eftir stóra máltíð til að fríska upp á bragðlaukana. Fyrir þau okkar sem eru ekki óð í Campari þá rennur hann kannski ekki mjög ljúflega niður fyrst en eitthvað við hann hvetur mann til að taka annan sopa. Það er reyndar sökum einskærrar þrjósku í mér að ég vildi læra að drekka og meta þennan ítalska drykk og ég verð að segja að þetta gæti verið uppáhaldsdrykkurinn minn núna.

Venjulega er hann blandaður í jöfnum hlutföllum – einn partur gin, einn partur Campari og einn partur sætur vermút – en ég hef komist að því að mér finnst hann bestur með aðeins meira af vermút og drukkinn ískaldur. Sumir drekka hann með prosecco (ítölsku freyðivíni) í staðinn fyrir gin eða setja bourbon í staðinn fyrir gin fyrir haustlegri drykk. Nú væri bara gaman að hafa aðgang að svölum og hlýju veðri til að fullkomna hughrifin. Ég set hefðbundnu uppskriftina inn hér að neðan en hvet ykkur til að smakka ykkur áfram og finna þau hlutföll sem henta ykkur.

Tónlist með: My baby just cares for me – Nine Simone

Negroni

  • 1 msk gin
  • 1 msk Campari
  • 1 msk sætur vermút (ég notaði Dolin Rouge)

Aðferð:

Hrærið saman í hristara eða glasi með fullt af klaka þar til drykkurinn verður mjög kaldur. Hellið vökvanum í lítið glas, skerið lengju af appelsínuberki (passið að skera hvíta hlutann frá) og skreytið.

Gerir 1 drykk

Auglýsingar
2 athugasemdir Post a comment
  1. Kolbrún #

    Þarf að prófa þennan drykk :-) Ég fæ mér stundum Campari með ísklökum, Cristal og smá ferskum appelsínusafa :-)

    24/03/2013
    • Já kannski þetta ætti að vera drykkur fyrir þig þá :) Ég hélt að ég myndi aldrei taka Campari í sátt en er mjög ánægð með að hafa lært að drekka það.

      25/03/2013

Skildu eftir athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s