Skip to content

Sæt kartöflusúpa með karrí & geitaostsskonsur

Þórdís er tiltölulega nýbyrjuð hjá dagmömmu og er því farin að kynnast alls kyns nýjum veirum og veikindum. Á þeim dögum sem henni líður betur reynum við að nýta fallega haustveðrið í góða göngutúra saman. Við skoðum kisurnar í Vestubænum, löbbum niður að sjó og keyrum rauðu kerruna hennar upp og niður Laugaveginn. Um daginn fórum við á stórskemmtilega barnatónleika með Sinfóníuhljómsveit Íslands í Hörpu þar sem Þórdís fylgdist með undrandi og skeptísk á svipinn.

Í þessu haustlega veðri er mjög viðeigandi að fá sér súpu. Það þarf þó alltaf að ýta svolítið við mér til að fá mig til að elda súpu og í raun er eina skothelda leiðin í þeirri viðreynslu að benda mér á gott brauð sem hægt er að baka eða rista til að hafa með. Það var á köldum degi fyrr í mánuðinum þar sem ég rakst á þessa súpu og þessar skonsur hjá Joy the Baker þegar ég fann mig knúna til að standa yfir mallandi potti.

Súpan er mjög góð – krydduð og seðjandi en kannski eru það geitaostsskonsurnar sem fanga helst athyglina. Þær eru alveg frábærar – mjúkar, volgar og með eilítið stökkri skorpu. Það allra besta við þær er að það tekur örfáar mínutur að búa til deigið og aðeins korter að baka þær inni í ofni.

Sæt kartöflusúpa

(Breytt uppskrift frá Joy the Baker)

  • 1.5 msk ólívuolía
  • 1 stór laukur, saxaður
  • 1 stórt hvítlauksrif, saxað
  • 2 msk engiferrót, söxuð
  • 1 tsk malað kúmin
  • 1/2 tsk malað kóríander
  • 1/4 tsk túrmerik
  • 1/8 tsk chiliflögur (ég notaði 1/4 tsk fyrir meiri hita)
  • 1 kg sætar kartöflur, skrældar og skornar í bita
  • 1 l kjúklingasoð (eða grænmetissoð)
  • salt og pipar
  • 6 – 8 msk geitaostur

Aðferð:

Hitið olíuna í stórum potti yfir meðahláum hita. Steikið laukinn þar til hann verður glær og mjúkur. Bætið hvítlauknum og engiferrótinni úti og steikið í 30 sekúndur. Bætið kryddunum saman við og hrærið öllu saman. Bætið kartöflunum út í og hellið soðinu yfir. Náið upp suðu og lækkið síðan hitann. Leyfið öllu að malla í 20 mínútur eða þar til kartöflurnar mýkjast alveg.

Notið töfrasprota, blandara eða matvinnsluvél til að mauka súpuna. Smakkið súpuna til og kryddið með salti og pipar.

Hellið súpunni í skálar og sáldrið geitaosti yfir.

Geitaostsskonsur

  • 2 bollar [250 g] hveiti
  • 3 tsk lyftiduft
  • 1.5 tsk salt
  • 60 g smjör, kalt og skorið í bita
  • 4 msk geitaostur
  • 1 bolli súrmjólk

Aðferð:

Hitið ofninn í 200°C.

Hrærið saman hveiti, lyftidufti og salti. Setjið smjörið og geitaostinn út í og nuddið það saman við hveitiblönduna með fingurgómunum þar til blandan fer að líkjast mjöli.

Hellið súrmjólkinni yfir og blandið öllu saman með skeið.

Hvolfið deiginu á hveitistráðan flöt og þjappið deiginu saman. Skerið í bita, penslið með bræddu smjöri og bakið í ofni í ca. 15 mínútur eða þar til þær hafa lyft sér töluvert og eru farnar að gyllast.

About these ads
3 Comments Post a comment
  1. Súpan lítur girnilega út og til lukku að vera komin með dagmömmu, -erla

    29/10/2013
  2. Þessi verður á matseðlinum hjá mér sem allra fyrst! Hvernig geitaost varstu með?

    30/10/2013
    • Ég var með mjúka geitaostslengju sem ég keypti í Hagkaup. Það var nú bara til Président geitaostur í fullt af plasti og svo þessi ;)

      30/10/2013

Skildu eftir athugasemd

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 275 other followers