Skip to content

Bananamöffins með espressó og súkkulaðibitum

Það líður langt á milli færslna hjá mér þessa dagana en við Elmar erum búin að vera á smá þeytingi og erum loksins komin norður í Eyjafjörð þar sem við erum í góðu yfirlæti hjá fjölskyldu hans. Eins mikið og ég elska Brooklyn og New York þá kann ég vel að meta kyrrðina, rigninguna og allt það ferska loft sem hitabylgjan í Bandaríkjunum bauð ekki upp á.

Við Embla Ýr bökuðum þessar möffins saman áður en ég hélt norður og þær voru einstaklega gott nesti á þjóðveginum. Það eru reyndar ófáar færslur á þessu bloggi sem eru einhvers konar útfærsla á kaffi- og súkkulaðiblöndu og því þarf ég kannski ekki að lýsa því í smáatriðum hvað mér finnst það tvennt gott saman og í miklu magni. Það er ríkt bananabragð af þessum möffins en espressóið og súkkulaðið kemur í veg fyrir að bakkelsið verður of væmið. Ef þið viljið gera vel við ykkur þá eru þær sérstaklega góðar með sterkum kaffibolla á sunnudagsmorgni.

Bananamöffins með espressó og súkkulaðibitum

(Uppskrift frá Baked: New Explorations in Baking)

  • 4 meðalstórir þroskaðir bananar, stappaðir
  • 1/2 bolli sykur
  • 1/4 bolli ljós púðursykur
  • 115 g ósaltað smjör, bráðið
  • 1/4 bolli nýmjólk
  • 1 stórt egg
  • 1.5 bolli hveiti
  • 1 tsk ,instant’ espressóduft
  • 1.5 tsk matarsódi
  • 1 tsk salt
  • 200 g dökkt súkkulaði, saxað (eða súkkulaðidropar)

Aðferð:

Hitið ofninn í 180C.

Hrærið saman banana, sykur, púðursykur, smjör og nýmjólk í meðalstórri skál.

Takið fram aðra skál og hrærið saman hveiti, espressódufti, matarsóda og salti. Búið til holu í miðju þurrefnana og hellið bananablöndunni þar ofan í. Hrærið allt saman. Bætið súkkulaðibitunum út í og blandið þeim varlega saman við deigið.

Takið fram möffinsplötu og smyrjið botnana (eða notið pappírsform). Fyllið 3/4 af hverju formi með deiginu og bakið í miðjum ofni í 20 til 25 mínútur, eða þar til þær eru bakaðar í gegn.

 Takið úr ofninum og leyfið að kólna í 15 mínútur á grind. Takið möffinsin síðan úr og leyfið þeim að kólna.

Möffinsin geymast í 2 daga í loftþéttum umbúðum.

Gerir ca. 15 möffins

Prenta uppskrift

About these ads
2 Comments Post a comment
  1. Embla #

    Þetta er fáránlega gott í morgunmat með kaffibolla.

    23/07/2012
  2. Við höngum svo mikið í görðunum hér í Köben í sumarveðrinu og ég gerði þessar sérstaklega til að taka með til að snarla á yfir daginn. Ég gerði þær að vísu mjólkurvörulausar svo yngri gemlingurinn minn gæti verið með í átinu (helvítis mjólkuróþol!) svo ég setti sojamjólk í stað mjólkur og fljótandi smjörlíki í stað smjörs. Þó ég hafi breytt þessu eru þær alveg hreint æðislegar! Ég geri klárlega annan skammt :)

    25/07/2012

Skildu eftir athugasemd

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 274 other followers

%d bloggers like this: